Los colaboradores habituales de PlayPresta, Arantza Margolles (Cróniques Ocultes) y Aitor Riera (Viescollacios, Nicios del Cartón y El pisu) vuelven a la canal de PlayPresta con propuestes renovaes.
D’una banda, Arantza Margolles entama una temporada nueva de la so serie Cróniques Ocultes, onde va dexanos plasmaos con delles histories enllenes d’intriga y misteriu. Con esta, yá son 5 les temporaes d’una de les series con más percorríu de la canal.
D’otra banda, el polifacéticu Aitor Riera estrena esta vuelta una nueva sección titulada Rugbillacios, una serie que va analizar en profundidá’l mundu del rugbi. Tres Viescollacios, una serie sobre fauna, Nicios del Cartón, onde xugó a dellos xuegos de cartes y la so actuación n’El Pisu, agora Riera embárcase nesta nueva aventura deportiva.